Ano ang dapat mong malaman kung pinag-iisipan mong gamitin ang equity ng bahay para tugunan ang mga gastusin sa panahon ng pandemyang coronavirus

Ano ang kahulugan ng pagpaubaya ng panahon ng paghihintay ng pagsisiwalat

Labis na makakatulong ang ganitong mga panahon ng paghihintay para bigyan ka ng panahon na tiyaking angkop sa iyo ang mga tuntunin ng loan at humingi ng payo mula sa mga kapamilya, kaibigan, o propesyonal tulad ng mga tagapayo sa pabahay o abogado. Sa kabuuan, ang mga panahon ng paghihintay na ito ay:

• Magbibigay sa iyo ng panahon para tiyaking nauunawaan mo ang inaalok na loan sa iyo
• Magbibigay sa iyo ng panahon para paghambingin ang mga alok para matukoy ang pinakamagandang deal
• Pinapayagan kang paghambingin ang mga pinal na tuntunin at gastos sa mga natantiya sa iyong alok
• Magbibigay ng panahon na magtanong sa iyong lender bago mo mayari

Nililinaw ng bagong panuntunan ng Bureau na maaari kang magpaubaya ng isang panahon ng paghihintay dahil sa isang bona fide na personal na pananalaping emergency kaugnay ng pandemya, kung hinihingi sa iyo ng emergency na mas mabilis na makatanggap ng mga pondo kaysa pinapayagan ng panahon ng paghihintay. Para gawin ito, kailangan mong:

• Bigyan ang lender [nagpapautang] ng iyong maikling nakasulat na pahayag—hindi pinapayagan ang mga pre-printed na form—na naglalarawan ng emergency[kagipitan] kung saan tinutukoy ang pananalaping pangangailangan dahil sa pandemyang COVID-19 at malinaw na nagpapahayag ang pagpaubaya o pagbabago mo sa panahon ng paghihintay
• Ikaw mismo ang pipirma at maglalagay ng petsa sa pahayag, kasama ang sinuman na pangunahing may obligasyon sa loan

Ipaubaya mo man o hindi ang panahon ng paghihintay, tiyaking nauunawaan mo at kaya mo ang mga tuntunin ng loan at komportable mong inaako ang pananagutan sa loan. Basahin ito para sa higit pang tip para maghanda sa pagsasara ng iyong mortgage .

Ano ang kahulugan ng pagpaubaya mo ng karapatang magpawalang-bisa

Ang karapatan sa pagpapawalang-bisa ay karapatang kanselahin ang ilang uri ng mga transaksyon sa mortgage. May karapatan ka sa pagpapawalang-bisa para sa karamihan ng mga mortgage ng hindi-pagbiling pera, o mga mortgage na hindi ginagamit sa pagbili ng bahay. Kabilang dito ang mga refinance, loan sa equity ng bahay, at mga reverse mortgage. Sa pangkalahatan, binibigyan ka ng karapatang iyo ng tatlong araw ng negosyo para kanselahin ang kasunduan sa mortgage. Kung nagpaubaya ka ng karapatang magpawalang-bisa, nagpaubaya ka ng karapatan mong kanselahin ang transaksyon para sa anumang dahilan o kahit walang anumang dahilan—maliban kung may katibayan ng panloloko.

Nililinaw ng bagong panuntunan ng Bureau na maaari kang magpaubaya ng iyong karapatan sa pagpapawalang-bisa dahil sa bona fide na personal na pananalaping emergency kaugnay ng pandemya. Para gawin ito, kailangan mong:

• Bigyan ang lender ng iyong maikling nakasulat na pahayag—hindi pinapayagan ang mga pre-printed na form—na naglalarawan ng emergency kung saan tinutukoy ang pananalaping pangangailangan dahil sa pandemyang COVID-19 at malinaw na nagpapahayag ang pagpaubaya mo sa karapatan mong magpawalang-bisa.
• Ikaw mismo ang pipirma at maglalagay ng petsa sa pahayag, kasama ang sinuman na kasama mong nagmamay-ari ng bahay Antes de echarle mano al valor acumulado de su vivienda, evalúe todas sus opciones

Bago mo gamitin ang iyong equity sa bahay, suriin ang lahat ng iyong pagpipilian

Kung pinag-iisipan mong i-refinance ang iyong mortgage o kumuha ng loan sa equity ng bahay para tugunan ang lumalaking gastusin, pagkawala ng kita, o sa anumang iba pang dahilan, mahalagang tingnan ang lahat ng pagpipilian mo. Habang maaaring isang magandang pagpipilian ang paggamit ng equity ng bahay para sa ilang consumer, maaaring nailalagay nito sa mas mataas na pananalaping panganib ang iba paglipas ng panahon. Kung hindi kaagad nakabangon ang iyong pananalapi gaya ng inaasahan o nawalan ng halaga ang iyong bahay at nahihirapan kang bayaran ang iyong loan, maaaring maremata ang bahay mo.

Saan ako makakakuha ng karagdagang tulong?

Kung kailangan mo ng tulong na maunawaan ang mga pagpipilian mo, puwede kang makipag-ugnayan sa isang prospesyonal para tulungan ka sa iyong kinalalagyang sitwasyon.

Mga Tagapayo sa Pabahay na Aprubado ng HUD. Maaaring talakayin sa iyo ng mga tagapayo sa pabahay na aprubado ng U.S. Department of Housing and Urban Development (HUD) ang mga pagpipilian kung nahihirapan kang bayaran ang iyong loan sa mortgage o loan sa reverse mortgage. Maaaring kabilang dito ang forbearance [patyatyaga] o binagong programa sa pagbabayad.

Mga Tagapayo sa Credit. Ang mga iginagalang na mga organisasyon sa pagpapayo sa credit ay karaniwang mga non-profit na organisasyon na puwedeng magpayo sa iyo tungkol sa iyong pera at mga utang, at tulungan ka gumawa ng isang badyet. Matutulungan ka rin ng ilan na makipag-ayusan sa mga creditor. May mga tiyak na itatanong para tulungan kang makahanap ng organisasyon sa pagpapayo sa credit para makipagtulungan sa iyo.

Mga Abogado. Kung kailangan mo ng abogado, may mga sanggunian na tutulong sa iyo sa pamamagitan ng iyong lokal na samahan ng mga abogado, legal aid, o kung isa kang servicemember, ang iyong lokal na Legal Assistance Office .

Iba pang sanggunian

Hindi ka nag-iisa, dahil maraming tao ang humaharap sa mga pananalaping hamon sa panahong ito at maaaring nag-iisip ng iba't ibang paraan para maabot sa mga karagdagang pondo at pananalaping suporta. Nagbibigay kami ng kagamitan at mga sanggunian sa mga consumer para pangalagaan ang kanilang pananalapi at pananalaping kalagayan sa ganitong mapanghamong panahon.

Bisitahin ang aming mga sanggunian tungkol sa Coronavirus, kabilang ang amin Gabay sa mga pagpipilian para sa mortgage na maghahatid ng kaginhawahan sa panahon ng coronavirus, kagamitan kung hindi ka makabayad ng mga bayarin, at pamamahala ng utang

Tingnan ang aming gabay at mga tip sa proseso ng mortgage, kabilang ang refinance

Unawain ang proseso ng reverse mortgage