Nagkakaproblema sa pagpapadala ng pera sa ibang bansa?

Nagtungo ka sa tamang lugar. Ang Kawanihan ng Pinansyal na Proteksyon sa Mamimili (Consumer Financial Protection Bureau, CFPB) ay isang ahensya ng pamahalaan ng U.S. na nakatuon sa pagtitiyak na tinatrato ka nang patas ng mga bangko, nagpapautang, at iba pang mga pinansyal na institusyon. Pinangangasiwaan namin ang mga kumpanyang nagkakaloob ng mga pagpapadala ng pera.

Sa pahinang ito:

Alamin muna ang gagawin
Alamin kung paano makakatulong ang CFPB
Impormasyong tinatanggap mo bago at pagkatapos mong magbayad

Alamin muna ang gagawin

Kung nagkakaproblema ka sa pagpapadala ng pera, agad na makipag-ugnayan sa kumpanya.

Sa ilang kaso, maaari kang makatanggap ng refund o muling maipapadala ang padala nang walang dagdag na bayad.

Pagkansela ng pagpapadala ng pera

Sa pangkalahatan, maaari mong kanselahin ang internasyonal na pagpapadala ng pera sa loob ng 30 minuto pagkatapos itong maipadala. May eksepsyon: kapag ang taong tatanggap ng pera ay natanggap na ito o ang pera ay naideposito na sa kanilang account. Hindi ka magbabayad ng singil para sa pagkansela.

Kapag nakipag-ugnayan ka sa kumpanya, maging handa at ihanda ang iyong impormasyon

Ang iyong pangalan, address, numero ng telepono, at numero ng account o numero ng transaksyon
Ano ang nangyari—malinaw at diretso sa punto hangga't maaari
Ano ang kailangan mo para malutas ang problema
Mga dokumento o screen shot na nagpapakita ng kung ano ang nangyari
Ang tatandaan
- Huwag na huwag ipo-post ang iyong personal na data sa social media o mga review site
- Iwasan ang galit, sarkastiko, o mapanakot na salita
- Magtala habang nagpapatuloy ka—sino ang nakausap mo, kailan, at ano ang sinabi nila

May karapatan ka sa pag-iimbestiga ng mga problema

Maaari kang mag-ulat ng problema sa pagpapadala hanggang 180 araw mula sa petsa na makukuha ang mga pondo, ayon sa petsang ipinapakita sa iyong resibo. Kailangan itong siyasatin ng kumpanya sa loob ng 90 araw mula ng inabisuhan mo sila at kailangang iulat ang mga resulta sa iyo. Sa ilang kaso, maaari kang makakuha ng refund o muling maipapadala ang padala.

Alamin kung paano makakatulong ang CFPB

Magsumite ng reklamo tungkol sa pagpapadala ng pera

Kung sinubukan mo nang makipag-ugnayan sa kumpanya at hindi nalutas ang iyong problema, maaari kang magsumite ng reklamo sa CFPB. Ipaalam sa amin ang tungkol sa iyong problema—ipapadala namin ito sa kumpanya at magsusumikap upang makuha ang sagot para sa iyo, na karaniwan sa loob ng 15 araw.

Alamin pa ang tungkol sa pagsusumite ng reklamo sa CFPB

Hanapin ang mga sagot sa mga madalas itanong tungkol sa pagpapadala ng pera (nasa Ingles ang mga sagot)

Para sa mga sagot sa iba pang mga madalas itanong, tingnan ang lahat ng aming mga sanggunian tungkol sa pagpapadala ng pera.

Impormasyong tinatanggap mo bago at pagkatapos mong magbayad

Kapag nagpadala ka ng pera sa ibang bansa, karaniwang naaangkop ang mga pederal na batas. Nasa ibaba ang mga halimbawa ng impormasyon na karaniwang kinakailangang ibigay sa iyo ng mga tagapagpaloob bago at pagkatapos mong magpadala ng pera.

Screenshot ng resibo sa pag-transfer ng remittance na ipinadala bago makumpleto ang transaksyon. Ipinapakita nito ang halaga ng nai-transfer, mga singil sa pag-transfer, mga buwis sa pag-transfer, kabuuang gastos. Pagkatapos ay ipinapakita nito ang halaga ng palitan. Pagkatapos ay ipinapakita nito ang halaga ng pag-transfer at iba pang mga singil, at ang kabuuan para sa tagatanggap. Maaaring mas mababa ang makuha ng tagatanggap dahil sa mga ipinataw na singil ng bangko ng tagatanggap at mga buwis sa ibang bansa.

Bago magpadala ng pera, karaniwang makikita mo ang:

Kabuuang gastos sa pagpapadala, kasama ang mga buwis at singil
Halaga ng palitan, kung naaangkop
Kabuuang halagang inaasahang maipadala sa tumatanggap, ngunit pakatandaan na ang taong tumatanggap ng pera ay maaaring patawan ng mga singil ng kanilang bangko o sumailalim sa mga buwis sa kanilang bansa
Dahil natatanggap mo ang impormasyong ito bago ka magpadala ng pera, maaari kang magtingin-tingin sa iba at paghambingin ang mga gastos sa iba pang mga kumpanya

Screenshot ng resibo sa pag-transfer ng remittance na ipinadala pagkatapos makumpleto ang transaksyon. Ipinapakita nito ang petsa kung kailan makukuha ang pera, ang halaga ng nai-transfer, mga singil sa pag-transfer, mga buwis sa pag-transfer, at ang kabuuang gastos. Pagkatapos ay ipinapakita nito ang halaga ng palitan. Pagkatapos ay ipinapakita nito ang halaga ng pag-transfer at iba pang mga singil, at ang kabuuan para sa tagatanggap. Maaaring mas mababa ang makuha ng tagatanggap dahil sa mga ipinataw na singil ng bangko ng tagatanggap at mga buwis sa ibang bansa. Pagkatapos ay ipinapakita nito ang karapatang tumutol dahil sa mga pagkakamali, ang karapatang magkansela para sa buong refund, at ang mga numero ng telepono at web site na kokontakin para sa mga tanong o reklamo.

Pagkatapos magpadala ng pera, karaniwang makikita mo ang:

Kabuuang gastos sa pagpapadala—sa sampol na resibo, ito ay pinangalanang "TOTAL" (KABUUAN)
Halaga ng palitan, kung naaangkop
Kabuuang halagang inaasahang maipadala sa tumatanggap—sa sampol na resibo, ito ay pinangalanang "TOTAL TO RECIPIENT" (KABUUAN SA TUMATANGGAP)
Kailan makukuha ang pera
Ano ang gagawin sakaling may pagkakamali
Mga instruksyon sa paggamit ng iyong karapatan para ikansela ang mga pagpapadala
Paano magsumite ng tanong o reklamo tungkol sa kumpanya, kabilang ang impormasyon sa kung paano makikipag-ugnayan sa CFPB at sa ahensya ng estado na nangangasiwa sa kumpanya